الأربعاء، 30 سبتمبر 2009

العرايش









السلام عليكم ورحمة الله وبركاته

ان شاء الله الكل يكون بخير وصحة

وصفة اليوم هي لحلوى العرايش

راح اخليكم مع الصور ومقادير الوصفة

مقادير الوصفة هي

3 كيلات فرينة

كيلة مارجرين زبدة نباتية

قرصة ملح ناعم

سكر فانيليا وملعقتين كبار سكر ناعم

والقليل من الماء مخلط مع ماء الزهر لخلط العجينة

والحشو هي

اللوز مرحي كيلتان وكيلة من السكر الرطب

وملعقتين مارجرين وماء الزهر للم الحشوة

والقليل من سكر الفانيليا

والان نجي للطلية الكلاساج وهو كالتالي

كاس صغير انتاع لحليب

و عصير حبة قارس ( الليمون او الحامض )انا نستعمل نص حبة قارس

وتضيفي السكر المرحي حتى تتحصلي علي القوام المطلوب

وتقسمي عندك الخليط وتلوني الالوان اللي تفضليها

وتضيفي العطر المطلوب عني انا نضيف شوية

فاني وخلاص والملون واهم شيء انك تخلطي مليح حتى

يمتزجز مليح وتتحصللي على القوام المطلوب

وبعدين لما تنضج عندك حلوة لعرايش

تخليها تبرد وبعدين تعمليلها الكلاساج

وتخليها تجف وبعدين تعمللي للون تاني

من الكلاساج اللي عندك وتلوني من فوق مرة تانية مستعملة

الاشكال اللي تحبي لتزين الحلوة انتاعك

ان شاء الله نكون افدتكم بهاذ الوصفة

وبصحتكم


هناك 6 تعليقات:

  1. يعطيك الصحة يا سهاد
    رانا ننتظرو في فيديو جديد
    واصلي بارك الله فيك

    ردحذف
  2. الله يسلمك اختي اوراسية وان شاء الله عن قريب فيديو جديد

    ردحذف
  3. اشكــــــــرك جزيـل الشكر و اتمنـــى المزيد من الحلويات الجديدة و العصرية الاقتصادية

    ردحذف
  4. شكرا لتعليقكم وان شاء الله راح اضيف حلويات تانية
    بس يا ريت لو في توقيعكم تضعو الاسم

    ردحذف
  5. تبارك الله عليك اختي

    لكن اي استفساار هو شنو قارص لي استخدمتي في الطلااء لاني مفهمتووش

    ردحذف
  6. شكرا لتعليقكم وبالنسبة لسؤالكم
    القارس هو الليمون او الحامض

    ردحذف